FAQ

Hverjir mega taka þátt?

Allir hafa þátttökurétt í Gullegginu. Einstaklingar á öllum aldri, hópur af einstaklingum og starfandi fyrirtæki. Stofnuð fyrirtæki mega taka þátt svo lengi sem hámarksvelta þeirra á ársgrundvelli hefur ekki náð 10 milljónum íslenskra króna.

Mögulegt er að skrá sig án hugmyndar í keppnina og fá þannig tækifæri til að verða hluti af teymi sem þegar hefur skráð sig til leiks.

Hvað kostar að taka þátt?

Þátttaka í keppninni er öllum að kostnaðarlausu.

Vinnusmiðjur: Þeir sem eru ekki nemendur í samstarfsháskólum Gulleggsins eða nýútskrifaðir (innan 5 ára) þurfa þó að greiða 8.000 krónur til þess að sækja vinnusmiðjurnar. Þátttaka á vinnusmiðjum miðast við einstaklinga en ekki keppnishópa. Samstarfsháskólarnir eru Háskóli Íslands, Háskólinn í Reykjavík, Háskólinn á Bifröst og Listaháskóli Íslands.

Hvar skrái ég mig á vinnusmiðjur?

Eftir 21. september (umsóknarfrest) munum við senda út póst þar sem þátttakendur geta skráð sig á vinnusmiðjur.

Keppendur geta valið úr þeim vinnusmiðjum sem í boði verða en þær verða þrjár talsins. Keppendur eru hvattir til að sækja námskeiðin því þar er hægt að sækja þekkingu sem nýtist vel við stofnun fyrirtækja sem og aðstoð við að smíða góða viðskiptaáætlun. 

Hversu langur má textinn vera sem útskýrir viðskiptahugmyndina?

Fyrir 21. september þarf einungis að senda örstuttan texta á einu blaði um viðskiptahugmyndina sem um ræðir. Gott er að eftirfarandi komi fram:

  • Yfirlit um viðskiptahugmyndina í hnotskurn (e. business concept)
  • Umræða um markaðinn, markaðsforskot og nýnæmi hugmyndar
  • Lýsing á liðsheildinni á bak við hugmyndina

Ath: ekki er gefin sérstök einkunn fyrir þau ágrip eða hugmyndir sem eru send inn, einungis þær viðskiptaáætlanir sem skilað verður síðar í ferlinu. 

Er viðskiptahugmyndin mín örugg í ykkar höndum?

Farið er með allar þær viðskiptaáætlanir sem berast í keppnina sem trúnaðarupplýsingar. Allir sem koma að því að lesa yfir viðskiptahugmyndir skrifa undir trúnaðarsamning og er hvorki heimilt að gefa upplýsingar um viðskiptaáætlun til þriðja aðila né að nýta sér það sem fram kemur í viðskiptaáætlununum til eigin ávinnings.

Eins er vert að nefna að Gulleggið mun ekki eiga neitt tilkall til hugmynda sem skráðar eru í keppnina og ekki eignast hlut í þeim fyrirtækjum sem stofnuð verða í kjölfarið.

Tungumál keppninnar?

Tungumál keppninnar og námskeiða er íslenska, en heimilt er að senda inn viðskiptaáætlanir á ensku. 

Fleiri spurningar?

Hægt er að senda inn fyrirspurnir á netfangið gulleggid@icelandicstartups.is

 
Gulleggid_Logo.png